Aongza ward yimteni pelaba lemsateper

Dimapur, Sept. 11 (TYO) : Aongza ward circular road nung July 16-17, 2015 nung anentsüh tulu alua nüburtem senzüsenpong nung timtem tulu ajurua, talisa sentepi aortem (Aongza Fellowship) timtema ita ana shi aruogo.
Ajisüaka September 10, 2015 nü Mr & Mrs. Temjenyanger Aongza ward (Khensa), par kibongi JCP aser Truck tenla agüja iba anentsü yimden yimsüsürtem aser kiyongertem teyaritep ajanga yatoka mapa ajak tembangogo, ta sangdong ka ajanga metetdaktsü.
Nüburtem tenzükba nung tangatetba tajung aliba asoshi Mr & Mrs. Temjenyanger aser kija o lokti ajak den pelaba lemsateper. Par kibong Tsüngremi maneni moajangma ta Aongza Ward, Mokokchung, Chairman, Mr. J. Imti Walling-i Aongza ward yimten tenüng nung sangdong ka ajanga metetdaktsüogo.