Aonung 8:00 ako nungi ATM nung sen malitsü akok

New Delhi, April 2 (Agencies) : ATM amshir nisung meyirjanga aika tim atemtsü tensa ka arudar. Sorkari ATM nung sen enoktsüba inyakyim kar melenshitsü, ta osang kaket ka nung shia lir.
Economic Times (ET) osangkaket nung ashiba agi, aonung 8:00 sülenbo ATM nung sen meinoktsütsü atema sorkari telemtetba ka agitsü akok.
ET osang ajangasa ashiba agi iba inyakyim ya aibelenba azüoka sen timi amshitetsü atema tenzükerba lir.
ATM nung sen enoktsüdang amshiba garitem ATM-i sen enoktsüi khen aodang sen lakh 5 dak tema bener mejajatsü aser lendong atalokdang iba gari kümzüka anir jentettsü atema gari anirtem shia aser gari shia nung prangpong amer security anana nem training agütsüla ta iba inyakyim temetetsü nung shia lir, ta ET nungsa shia lir.
Sorkar-i ashiba agi, ATM nung sen enoktsür agencies temi yimtsüngtem atema anogo tom tashi nung, jila aser yimtitem atema nikongdang 5:00 ako tashi nung aser telungpur bulua aliba tesemtem nungbo iba dangji tekaraba, nikongdang 3:00 ako tashi nungbo bank nungi sen meshizüktsüla.