Aonung talila mejangba ya na asoshi majung

Aonung ghonda trok nungi ti dang nungi talila mejanger tem takaraba asütsü akok mesera cardiovascular tashidak agi atongtsü ana nung lir.
McMaster aser Peking Union Medical College nung tawa bushisüngdang ajanga ashiba agi, shirnok atakzükja aliba ghonda ti dang nungi talila mejanger parnok cardiovascular tashidak; stroke mesera temulungjang mapa minyaki akümba amala agi tongtsü ana nung lir aser iba den ano shilem 41 agi tangar dang nungi takaraba asütsü.
Ajisüaka nisung karbo telung nung timtem aliba ajanga mapang talangba mejangtsüsa akümtsü akok koba ajanga meyiper cardiovascular tashidak agi atongtsüba aser tasüba agi takaraba menepdaktsür, ta iba bushisüngdanger temi rasaa ashi.
Iba bushisüngdang ya European Heart Journal nung adoktsüogo.
Maneni parnokisa anüngdang mejangertem asoshi tebilemtsü kar ngutetogo.
“Anüngdang mejangba ya cardiovascular tashidak den sendaktepa lir aser aonung ghonda trok tekübok mejangertem dang nungi ghonda trok dak tali mejangertem tasüba agi takaraba meneptsü,” ta Chuangshi Wang-i ashi.
Chuangshi Wang-isa aonungshia mejangtsü asoshi ajungshiba mapang dang nungi shirnok ghonda trok tekübok mejanger parnok dak shilem 9 agi iba tashidak adoktsü ana nung lir, ta ashi.
– Source : Internet