Aopenzü Baptist Arogo küm 25 jubilee amung

Dimapur, January 11 (TYO) : January 6 -7, 2016 Aopenzü Baptist Arogo küm 25 ajungba Jubilee kanga dang temoatsü nung takok tulu ngua tembangogo, ta Aopenzü Baptist Arogo Sannüker, Imtimar-i sangdong ka nung metetdaktsü.
Küm 25 ajungba Jubilee omenji ‘Yisu Asen lenir’ liasü aser tongti o jembirtemji Rev. Dr. Mar Atsongchanger, Executive Secretary ABAM Impur, Rev. O. Yashi Pastor Sungkümen Baptist Arogo, aser Nungsangtoshi Pastor Kangtsüng Baptist Arogo nungertem liasü.
Iba benjung nung Rev. Dr. Mar Atsongchanger-i Jubilee lapoktsü aser Nüngo Kaket sayatsü aser Imsutoshi, Pastor Tuli Lenden Basptist Arogo-i Jubilee Nungshilung meshitetba sentong agi.
Iba benjung nung lennir tajung aikati shilem agi aser parnok rongnung Amenba Yaden (IFS Rtd.) & Parlimentary Secretary, Industries & Commerce, T. Tali Ex-Minister Dimapur, P. Jongpong Jamir (IPS) Rtd IGP Dimapur, Sentiwapang Aier ADC Tuli, Imlimeren Addl. Director Rural Development, aser L.Wati Jamir Dy. Commissioner of Excise Dimapur, parnoki tepela aser tajungshi o jembiba ajanga temoatsü tulu ngudaktsüogo, ta ABA Sannükeri sangdong nungsa shia lir.
Parnok den külemi, Kangtsüng Village Council, Bendangali Kangtsüng Senso Telongjem aser Aopenzü yim temeket Arogotem nungi Sannükertem aikati shilem tajung agiba ajanga temoatsü nung takok tulu ngudaktsügo, ta paisa shisem.
Sentong shia Jubilee Choir ajanga ken tajung aten aser Jubilee Mendenpurtemji Mr. Tinu Jamir aser Ms. Apenla na liasü.
Iba Jubilee takok tulu nung tembangdaktsüba asoshi Teyanglur Tsüngrem tenüng asanger aser Sentsüwangshi konang tetushi ajak Pa nem agütsür, ta ABA Sannükeri-isa metetdaktsü.