Aor Ita Anogo züngya

–  P. Renthy  Jamir.

Asenok küm züngya yabo kanga tongtibangsa mejembir saka tang onük ya Calendar indang jembi tialong asünung, ita anogo ta amshir. Ao oshi nung Calendar ratet ya nibo Yinüzüng/Inüzüng ta amshitsüla ta züluogo. Joko tang nungi Aor ajak liromedema Küm, Ita aser Anogo amshitsü ASLB-i sangdongogo. Iba sangdong ya OFFICE OF THE ASLB ta tenzüker Tir aser Tezülur meyongnem agüja   sangdong asünungbo, Tir Yimyim Yimozüluri “iba olemsabang nung lemsaba  ken-o aser shisatsü ya iba ocet züluri bilemba ken-o tazüngeri angateta agitsü mepishir” ta mesüra Y.Imti Tzüdiria akangakanga ozüng agütsütsüla ta mezülula ta bilemer. Ano yabo tazünger/ mazünger Aor inti meyong asünung ASLB-i mapang agia bendener, Ao Senden Office ajanga sangdong taretba aser temetongba süla ta bilemer. Ajaki tashi angateptsü atema. Kechiyong yim karbo yaktayongi iba Calendar Yinüzüng atoka amshir. Saka kechi atoka sangdongogo aji tajungba ka inyakogo arok ajungtsü atema ta agizükdi.
Asenok menua ali dangashi J.P Mills-i bo yaktayongi ya zülua toktsü saka paia palutepa zülu, tamaba tesü, tesüba tama Jungliri jembiba ta sür,
1.     Chishamyi (Chisemyi)
2.     Tangmuchisang
3.     Moatsüyi
4.     Terakba yita (terka)
5.     Chamechayi (Jamija)
6.     Achitaka yita (Ajidak)
Ano Mongseneri jembiba,
1.     Chalibang lata
2.     Urangba lata
3.     Moatsü lata
4.     Am lata
Ano asen lenir Y.Imti Tzüdiri züluba nung J.P Mills-i 1929 (Revised in 1873) nung züluba kaket nung yamai atoka angu ta sür Tir Yimyim 27/08/16 ita tenüng tabensa lir. Saka 1929 revised 1873 ajia kümji tera meputep. Ano Mills-i tamalen ita tenüng züluba o revised nung aliba naji khenyongi meputep nüngja balala tetezü balala. Kechiyong revised Edition ya pai zülu masü. Asen Aori England nung oa Mills dang copyrights temelaba meshia asenok sasa zülu ta angazüker. Anungji Dictionary ama mesüra yamala teti amshitsüba nüngjatem ya kanga junga bendena mapang agia atoktsüla. Saka asenok Public-i kecha memetet sür teinyaker kanga rongshir. Yakta adoktsüla ta bangpet jembir. Idangji aritepdang mabensa sa alir.
Yangi kü tangatetba kar,  Rongbang ita (Jan) Rongbangji kechi? Border Tzüma o Aor tsüngda artsü telungzük. Anungji Aor tenüng Rongbanglepang ta Rongbangnokdang ta ajar. Tsükchir lepdangba, nokdangba ilen nungi arurtem. Ano Aor inti atema ita tetezüji apet mapet. Ano Apha ita, yangi Aphlemyi ta shidi. Luchi ita December ta lir. Süra Aphalemyi ya January asütsüla. Ajak alu chimar Apha lema ayuba. Kechiyong tsünglanglen alirbo alu ya February nung aronger aser March ita tetenzük nung ludi atener. Penbo February nung atener. Nüngja ajak ya TECHNICALLY PROOF asütsüla ta bilemer.
Ano Rongchi ita ta asünung rong yabo aiben achir, alu mapidang anaben/asemben achir. Alu pira rong ya tama meyir asünung maneni achir. Ano pen nung tama ludi nung tesü ta ita anogo balala nung rong yabo achir.
Ano am ita ta asünung Am ya tapu ka dang masü Yisa am, Larep Lumok am, Langnak am amji aser Wara am ta lir. Aser parnok kata tu majeter. Tsüngküm aser Meyi piyong Am nung chitem atemer. Am makaba mongpu mali.
Ano adianu kati Rongju indang angatetnüa züluba angu aji kanga shitak. Kari Rongju ta jembir aser kari Yongju (Yong taju) ango atutsü yong ajuba tetezü kasa. Aser meyi nung ango atuba ya Tzüla/Tsüngmok nungbo September nung masü October nung alur. September yabo meyi tzüshi ayimer. October nung tzünglu tulu asemben arur. Mezüngbuba ana Zürenpong aok, Tsüngren ki shibang aser Azüngkenpen tsüngsang. Anungji mezüngbuba tzümetsüng ana nung ya teimba ango meyipa alur. Iba dang ya Ngaluchi ango meyipa aluba ta ajar. Azüngkenpen tsüngsang yabo anogo asem/pezü arur saka chinen khunen tulu marur. Ano ayong nung ango aluba Ngalachi nung metenzüka ita tenüng ajaba nungji onokbo ayong mali ta-a masü aji mongpu inti atema nüngja.
Ano mapang telemsa nung Teroto aser Masangyong ta asüba ana ya ka dang. Aor mapang ya teimba aluyimer nüngja asünung ya terka ako shi alu nung süngo ajemba chi mechiyongdang teroto nung masayonger.
Ano o ka Y.Imti Tzüdiri Penpuba/Pempuba ana ya ka dang amshi nung ajungtsü ta ashiba ama Senpet aser Sempet yaa ka dang amshi nung koda? Ana asem amshiba ya aitepa bulutepa ayur. Ano onokibo Ninok ta jembir saka Lai nung J.Adok tapu 14 kija nunga Linok ta 6 ben zülua aliba agi Linok tasa zülur. Ano Ani akor asünung Entsü ta masü Antsü ta amshi nunga koma?
Tatem nung osang kaket nung nisung ka kijai ‘Sangdonger’ ta zülutsü tim masü ama bilemer. Lokti temzüngang ‘Sangdonger’ ta zülur. Anungji meteta alitsü /Ajungshir/ Mepishir ta zülutsüla (Awareness).
Ibai kar aija zülur masü Lokti ajangzüktsü atema kü tebilemba lemsar.