Aor linük tenzükertem telongjem senden ali

Dimapur, May 21 (TYO) : Naga nunger yimten nüjiso bushitsü atema tenzükba Naga National Council ya mezüng Aor lenir Wb.T.Aliba Imti tir ser tenzükba tang tashi nung Aotsür Aor aikati taküm ajak bendanga agüja tenzüka arudagi ta Ao Senso Linük Tenzüker Telongjem (ASLTT) sangdong ka nung metetdaktsüogo.
Ajisüaka, tanübo Naga nunger telok balala lemsar alidak Aortemi tongti shilem magitetter, ibaji temulung shirangtsüka lir. Item khuretji reprangteta Merangkong nung putu yimsüsürtem den May 18, 2017 anogo nung Aor longjemshir Naga yimten tebilemtsü repranga tongti shilem agitsü nüngdakba indang ken o lemtepa liasü ta parnokisa metetdaktsü.
” Maneni ASLTT-i Ao Senden, ABAM, tzükong aser yimtsüng telongjemtem ajurua shisalemsatepa jajatsü sentong lir, anungji ajaki sarasadem nung yaridaktsüner, ” ta parnokisa ashi.