Aor Lungtrok nungi Zonizüng

~   I. Shilu Jamir, Dimapur.

P. Renthy Jamir ocet Tir Yimyim 15th JULY 2018, Olemsapang nung züluba pusem olen ka zülur.
1939 SDO Mokokchung P. F. Adams aliba mapang senior Dobashi Likokyangba aser Senkalemba nati anir Ao Dobashi ajak jatena sentepdaktsür otsü ajak rajema jembir zülua renema toktsüba “The History / Cultural of Ao Naga” kaküt nung “LUNGTROK” (6 stones) ta dang züluja kar.
Otsü angazükba agi Lipokertem parnok Ong/Unger 6 nisung shia pei nüngtem Lung ka ka bendena Lipok Nungwo ayuba agi Lipok mongchenji “LUNGTROK” jatet ta jembir.
Laishiba aser scientific research kuli agi meimchirtem ali nungi poktet/ali agi yanglu ta angazüka shisa lanu aser tongmelang agi Lipok otsüji renemtet ta zülua lir, Kechiyong item kulitemji asenok dang kanga agi tama nungi liasü ta jembir.
Naga Hills nung alir tangar kin den asen tetsü tebutem külemi arurtem parnok tenem tulu nungi apok ta otsü lir aser parnokia iba tejaklenji lipok otsü ji kecha meteta maka aser mejembir ta kaket nungji zülutsüa kar. Chungliyimti amongpang Lungtrok tesem nungji süngdongzüng lendenpangma ka nung Lung trokji bendena kanga junga yua kar. Item rongnungji lung tuluba teyong nungji tapok tulu ka küta lir. Aortem iba Lung tapok nungi apok ta otsü jembir ta tangartemia asen dang ashir.
Early part of 1970’s Yajen Aier Edn. Director mapang Lungtrok tesem alumang aremji jeteta leptoka LUNGTROK GOVT. M. E. SCHOOL mesemteta amenteta toktsü ano Lung trokjia (6 Stones) cemented post/pillar yanglur G.I.Pipe tulu agi anepalua atsüpanga yuja liasüba kuli tejangja angu.
1970′ tetenzüklen Mkg Town Hall nung Ao senden mungdang sentepdang Aor Ministers, MLA, tulurtem, yimsüsürtem senteper jembia Ao lipok Research Committee shimba aser mapa nungloktsüba jembia angazük. Onok lanuwa mapang küm ishika sülenbo langka tetesükdaktsü kar ajurua telok mapaji meinyaktet anena ayuba osang jembia angashia kanga rata süiogo ta shisemer.
Tanü Ao lipok otsü putu aika tarak maket jembiyonga aruba ano asen tsürabur Lipok Nüngwo LUNGTROK ji anepalua reprangshia temoatsü maongka ta züngshia akümtsübua Ao Senden lenisüba nung sentong tajung inyaktsü tim ta lemsateper.
Teyanglur Tsungremi LUNGTROK aser Ao Senden Moajang.