Aor MLA temi mangyimer

Kohima, Rongjui/Sept 23 (TYO): Aor MLA tem ajak tenüng nung onoki külem tenzüker Sericulture & Excise Advisor, Imtikumzuk Longkumer asüba atema jashia mangyimer, ta tanü Metsubo Jamir-i sangdong ka ajanga metetdaktsü.
“Asür, Imtikumzuk ya yimtenren lenir ka liasü aser asen state yimtenren putiotsü nung jenjang yangerteta liasü. Nagaland Legislative Assembly nung züngsem ka ama tenzükdang pai nendaka inyakba, nübur den, talisa lanurtem den tesendaktep tajung ayuba ajanga külem tenzükertem dang tatishitsü tajung sayuogo, pai loktiliba ajungkettsütsü atema tejangraba nung inyakbaji ajaki bilemtettsü,” ta kasa sangdong nung shia lir.
“Atangji pa asüba ajanga Naga nungeri lenir tajung ka aoksaogo. Asen loktii pa kanga senti süa züngshia liasü. Pa akhümtsübua bilemtettsü aser ajaki menungratsü. Onoki mangyimer kibong den mangyim jashi lemsateper. Tsüngremi nenok nem tesünep agüjang ta sarasademtsür,” ta kasa sangdong ajanga lemsatep.