Aotsür Aor lanurtemi peisasa inyaker peria litettsü aser liromedem kibong ka yanglutettsü lemang

~ A. Shilu Ozüküm.

(Ibai  A. Shilu Ozükumi züluba ‘Kodaser Liromedema kibong ka Yanglutettsü’ ta asüba kaket nungi agizüka adoktsür.)

Tanü tashi nung lanur zünger mapa mengui alir 68,000  Nagaland nung lir. Item lanurtem asoshi lenmang kar ali  asü ? Anungji iba indang tatsü agi yamai lemsateper. (Ref. Lipok 3:17)  Okila: Alima tasazük ka nung meimchir nutsüng  yongsuk tasazük mekai renlokjen renloka aor aser item  ajak periatsüsa meimchiri alima ulushia meyanglutet.,  saka iba nung renloktsü aser yanglushitsü atema lenmang aisü nungi takoktsü lir. Teyangluba kechisarina ajak dang tematibaji meimchir lir. Meimchir dak sempet tejangraba aser inyaktsü akokba tashi aika keta yanglu aser itemji amshia rongsen jenti yanglutettsü, ngutettsü aser timi amshitsü aser item tashiji amshia inyaka, chia-jema liang ta Tsüngremi ozüng agütsü.  Anungji taküm alitsü atema nisung shiai mapa kabosa inyaktsü tim. Rongseni na yanglur masü, nai rongsen yanglur aser aji mapa inyakba ajanga inyakteter. ‘Educated’ ta asübaji itemji inyaktetsü tashi aser tasa metetba dang ajar. Nisung tashi aser tasa ajanga Western lima takar küma alir.  Ano asen lima nung yamala mapa kenyongi metenzük, anungji mapa teinyaktsü aika nungtena kar. Tazünger kaji renema akaba mapa ka inyaktsü mesura Govt. dak dang metaloker alitsüba masü, Saka peisasa bushiteta aser inyaktetsü atema azüng> Kechiba educated unemployed alir ? Educated saka mapa inyaktsü mashi ! Item tebilemtsü tenzükdakji itemi li :
1.    Tai angazükba ajanga tulutiba dang aginür aser yakta dang takar kümner. Renemer yua akaba mapa dang inyakner. Peisasa temulung agüja, kokteta (Effecient) meranga inyaktsü mangazük,. Tazüngba dang ulu-a  ashi takitsü mali (Quantity but not Quality) zülutsü  aser azüngtsü nung dang educated, saka mapa tasa  amshia inyaktsü mashi.
2.    Tesayudak institute nung job oriented education mali. School nung mapa shizüka inyaktsü tesayuba nung kanga anunga lir. Primary school nungi tenzüker college tashi nung book knowledge  dang agütsür. Shisaliok nung mapa inyaktsü medeni sayubaji yongmenyin takoshiba ola dang mesük
3.    Mapa meranga temulung agüja inyaktsü mejangraba sempet tajung aika nü dak liaka, aji amshitsü azümesener> Educated nisung kaji kin ka asoshi rongsen apokdak temoatsü ayong amai lir. Tenüki angutsü makokba rongsen aika meimchir dak keta lir. Tashi, sempet., tejangraba , temulung agüja inyakba, tasa mapa ajetba itemji amshia teka ana aser tetsüng ana arakzüang. Züngerbo sorkar mapa dang bushitsü ta bilembaji tai lir. Tanü lima nung ibaji aiben tamakoktsü, anungji alimai kechi akanger iba mapaji peisasa yanglua inyaktsü mapang tongogo. Ne tebilemba aser inyaksangshi tensa den apet melenshiadokang. Tesüiba putu yimya indokang ta mashir saka iba nung ajemdaker tanü alimai nüngdakba ama tasen bendenloktsü. Lokti kaji tesüiba nung ajemdaker tanü melenshia  alir aser ibaji asüng atema terenemba lir. Tanü aliba lokti langzüktettsü atema alima ajungai ayimtenba ola ka lir aser ibaji  ‘pei sasa peria litetba’ saka Naga nungerbo (Aorbo) Assam nung anogo ana asem tashi ban süra chiyongtsü mali Marwari dokan nugboka chiyongtsü bushiteptsü, tangar dang kanga taaktsü ka lir.
5.    Shisaliokji (Education) employment atema sayur. Zünger külen ibaji melira azüngbaji amajok. Shisaliokji Gandhi)  tadokdaktsür aser teyanglur (Producer and Maker) ka asütsü atema sayur. (Nehru) Taküm kaji sentsü tsüloktsür (liabilities) ka amai alitsü memelar. Naji tachir aser tagir  (Consumer) ka dang masü teyanglur-a nasa lir. Sen malia ta jembia nesasa na lua tebilem.
6.    Tzürabur adianu aser yimeryimsanger ajungshia nungitba aser sen-otsü agi yaritepba mali.
7.    Kenyongi dang takar kümnuba lokti nung tamajung tesayuba yimya aika lir. Mapa tilaterijibo na atema ilara, na iba dang nungi tuluba azüng aser shia meteta lir ta bilemer. Sen züngdangbaji dang rongsen amai bilembaji tai lir.
8.    Tanga lima nung literacy terenlok ajanga self employment koma inyaker aji angazükdi. Nagaland nung 1996 report nung ashiba agi literacy 61 % lir. Meghalaya nung 85% lir India nung Kerala stateji  literacy teimtiba lir. Anungji parnoki mapa ya kanga meranga meima aser jangrabangra aser jeta  (Efficient) inyaker. Parnok mapa nung kanga teyakyak  aser tesangra lir, kechiaser parnok educated tesa lir. Meghalaya nung self-employed 30 – 40 % tashi lir.  Shishilembaba mapa nung par nisungi dang inyaker.
Assam nung self employed 40 – 50 % lir. Tripura,  Arunachal Pradesh, Manipur nung 20-25% lir. Nagaland nung  self employed nung 3% a mali. India nung private poultery farm tajungtiba Itanagar nung lir. Northeast nung sungjang lu tulutiba ayimbaji Tripura lir. Manipur nung shinu long adoker. Item mapa aser tanga shishilembaba mapa teimba par nisungi inyaker. Assam nung alu ayimba aser small scale industry teimba par nisungi inyaker. Small scale industry  terenlok aser self employment nung Nagaland  aser Arunachal talangkati tangar mernenup lir ta  sayur. Aoer lanurtem na koda ka züngdir zünagaka  mapa angzüka meranga meinyak tashi na tazüngla nung lir ta metettang. Na tazüngba degree tokjang aser teküpboklen teyua liba mapatemji inyaktsü tenzükang.
9.    Asen lima nung dang kanga dang nüngdaka inyaktsü ajitetba mapa kar yangi tuyur. Tapi agi mapatem züludener teyurba masü, saka teinyaker balala ten tongtepa jembir tajangzük lir ta angateter tuyur. Shishilembaba dokan aser aonsotsü shishilembaba, shiruru metsüba, ak, an, etc. Alu tabu balala ayimba , sungjang lu, naro lu, sungo lu, mendi lu, itsüng lu, azü lu aser sungmok lu. Medical tsütsü nungi laboratory aser pathology training : physiotherapy, pharmacist, compounder aser nursing telemsa balala.
ACADEMIC :
Tanü tuition agiba, school tajung lapokba , food  processing ( chiyungtsü yanglua ayokba) aser wazüka ayuba [sungjanglijang, Ion tapu balala) hostel aser hotel  lapokba, printing technology, typing, steno, computer, electronic training , handloom, handicraft, carpender, cutting aser tailoring, tsüngsern aser yangkhu yangluba, su shitokba aser iron  agütsüba, noksa yangluba aser 0 züluba (art and painting) librarian, business management. Dimapur town ama nung building tulu para ayutsü contract agiba, kibur nem ita shia Rs. 20000/- agütsütsü aser contractortem Rs. 5000/- agitsü aser tenanttemji Rs.25000/- jagi lemsar yutsütsü, aser ana ki asem pezü nung care taker ama inyakba, yamaji pei taküm service aji kümtet, Tangar kinbo makaba mapa bushia bendenloka inyaker. Aser aoer nuburbo yua akaba mapa – a  meinyakteter. Asen lima nung mapa talubusa nangdena akaba ngur bendanger jenti arua mapa anana tashi  repa  inyaker. Tsümartern chiyongtsüa mapang mengui inyaker.  Private School nung ita sen meyirijang pezü pongu agia  inyaktsü aser tuition agia sen jenti aar, kechiaser tanur  tasoba ajunga school azünger aser itemji tuition agir. Anungji tsümar tesayurtem sakli nungi yipteni mai tashi mazüngi mapa inyaker. Saka Naga nunger educatedbo mapa mali asü koda? Tanü tashi nung printing technology nung asen local nisung kar dak alaka mali. Naga kin oshi  16 ji ajunga tsümari dang inyaker. Naga nunger carpenter,  art, painting, yamala nung special gifted aika lir. Saka  tangar ama shishilernbatsü atema kecha meinyaker, aji agi asen oset nungtugu makümer aser sarna-a aor. Itemji ajanga asen lima nung aseni inyaktettsüba mapa  jenti kar ta sayur. Saka lanua sensortemi ‘mapa mangur’ ta ashir aser kari ‘sen mali’ ta ashir. Tangar shiri item mapa inyaker parnok ne dang nungi tuluba, ternetetba-a masü aser takaba-a masü saka tejangraba aser temulungtetba aser shidakba education angazükba purtemi inyaker, item mapa nung sen merijang aser lakh junga menüngdaker.
10.    Population an alarming statistic November 1994: Iba nnung yamai shia lir, North-east India nung yongsük tekaratiba ainbaji Nagaland state lir (bendanger aitba ajanga). Anungji Naga nungeri inyaktsüba mapa ajunga parnoki inyaker. Naga nunger Aor educated mali, Pei dokan nung shishir Naga nunger aika mali,
11.    Ochimashiba ajanga raksaba: Nagaland nung small scale industry atema küm ter tsüngda nung 70-80 crores agütsüko, Govt-i sen agütsüba apibo Nagaland nung small scale industry noklang asem jungnüa lapoker lanur aika employed sür peisasa pei peria alitsüba asü saka mapabo meinyak aser senbo chima adok.
12.    Asia nung China lima  ya kechisarina nung tajungtiba ka lir. Tanü alima nung oset teimtiba adokbaji China lir: Swing machine , refrigerator, bicycle, washing machine, iron, electric fan, rice cooker, salt, pencil,pen, aser mushroom tu atoker. Itemji par nisungi inyaker aser youth shinga unemployed mali, parnok mapa inyaktsü tashi (know) aser tejangra lir. Yamaji asen lanurtemi pei lima nung akaba aser nüngdakba mapatem inyaktsü melungtetang.
13.    Temalen shia aliba ,mapatemji karbo training ita ishishi mesuüa küm ana tashi agitsü nüngdaker. Karbo training magi a inyaktsü koka lir. Matric pass aser ajak college azüngtsü menüngdaker. Saka azüngtsü nung techira aser mongin lir par dang azüngtsü nüngdak. Anungji mapa malia ta sür mapang aser sen indoka college tezüngshi, Pei pei jangraba tsütsü training balala agiang. Training junga agir alirtem atema tanü mapa mangua ta shinga mali, kar mengui alibaji pei / lai dang metet. Tsüngremi tazünger ajak moajangma.