Aou 2 lakh tonnes agütsütsü atema NBDA aser NRL tsüngda MOU agitep

Dimapur, December 9 (TYO) : Numaligarh Refinery Limited aser Nagaland Bamboo Development Agency tsüngda December 8, 2015 nü Memorandum Of Understanding (MOU) ka agiogo.

Numaligarh Refinery Limited ya Ministry of Petroleum and Natural Gas, Government of India kübok Public Sector Enterprises ka lir aser tanü NBDA-i parnok nem kümshia aou 2 lakh tones agütsütsü atema tenangzüktep agiogo.

Nagaland sorkar tenüng nung APC & Mission Director NBDA, Imkonglemba IAS aser NRL tenüng nung General Manager (Marketing and business development) NRL, Golaghat B. Ekka na tsüngda NBDA Dimapur conference hall nung MOU tenangzükba agitep.

Sentong nung Imkonglemba-i ashiba agi, Tuli Paper Mill asentenshitsü maparen dak sendakba nung NBDA tentet aser tang Nagaland nung aou 9 lakh metric tonnes shi angur.

Aouji küm asem nung khen aleper aser NRL-i küm nung aou 2 lakh metric tonnes nüngdakba atema NBDA-i parnok den tesentaktep yanglutsü telemtetba agi, ta paisa shisem.

Nagaland-i NRL nem bamboo semi products agütsütsü aser kobi melii Nagaland nunga semi processing units lapoktsü imlar. NBDA-i maneni aou shishilembartem ajungkettsü aser NRL den mapa tenzükba sülen Nagaland nung nisung 200 shi indirect employment angutsü, ta NBDA mission director-isa metetdaktsü.

NRL-i küm asem tsüngda Assam nung Bio-Refinery ka lapoktsü aser iba nung ‘non-food bio-mass feedstock Bamboo’ ajanga bio-ethanol yanglutsü. Iba mapatong atema NRL-i Finland nungi technology provider M/s Chempolis den tesentaktep yangluogo aser aou nungi ethanol yanglutsü maparen inyaktsü, ta General Manager NRL, Ekka-ia tanü ashi.

Iba maparen atema NRL-i Nagaland aser Arunachal Pradesh nungi aou belentsü, ta paisa shisem.

MOU tenangzüktep agiba sentong nung Team Leader NBDA Khrienuo Metha, NBDA züngsemtem, Managers Business Development aser NRL nungi Atanu P.Sharma o Rajiv Changkakoti nungertem aden.