Aoyimkum Baptist Arogo Women Ministry-i tenüngsang agutsür

Dimapur, Metsüremi/March 15 (TYO): Wt. Alila John aser Wb. John Imchen na jala, Kr. Bendangyangerla Imchen-i (Mangmetong) Tata Institute of Social Science, Mumbai nungi Best student award in field work in master of arts in social work (women centered practice) anguba asoshi International Womens Day nung Women Ministry-i la nem tematiba tetushi agutsür, ta tanü APW, I Asenla Jamir aser Secretary, Anungla Tinu nati sangdong ka ajanga metetdaktsü.
Tanü lai meranga inyakba ajanga takok anguba ama ano lanurtem aika adokdakjang, ta sarasademba den külemi ano tarutsü nung la wadang nübur tenzükba mapa takok temoatsü südakjang ta sarasademtsür, ta tenatisa lemsatep.