Aoyimküm Senso Mongdangi rongdak senden ayonger

Dimapur, September 04 (TYO): Aoyimküm yimtsüng atema kanga rongdak ken o jembitsü aser latettsü alinung, Aoyimküm süngküm kübok telidak sensosanger aser yimtsüng telongtet nung ali kimong akar ajak September 07, 2017 anepdang 10:00 ako nungi süngküm shibanger Panchayat Hall nung yim mongdang alitsü, ta tanü Aoyimküm Senso Mongdang Tir, M. Tali Longchar aser tongti tezülur, Nungshilong Imti nati sangdong ka ajanga metetdaktsü.
Anungji iba senden nung ajak medema adentsü metetdaktsür; senden nung madenertem dang yimteni tasüngdangba alitsü, ta sangdong nungsa shia lir.