AP nung Army amakba atema NIA-i ken o benok

New Delhi, April 29 (Agencies): April 2, 2015 nü Arunachal Pradesh nung army convoy ka amakba dak sendakba ken o nung National Investigation Agency (NIA)-i NSCN-IM züngsem ka anema ken o benokogo.
Yashi Arunachal Pradesh kübok Yupia nung aliba National Investigation Agency Special Court nung ken o ji benok aser iba nungji Nagaland nung alir NSCN(IM) züngsem Kapai (Singmayo Kapai) dak tongti süa tai tonglokja lir.
Iba ken o nung tangar tai tonglokja alirtem kar ano mapu, anungji maneni bushisüngdangtsü, ta NIA-i sangdong ka nung metetdaktsü.
April 2 nü Tupi yimtsüng anasa Khonsa-Longding lenmang nung NSCN(IM) züngsem kari army convoy ka amak, ta NIA-isa metetdaktsü.
Iba tatalokba nung army jawan asem tepset aser asem kanga mejungi yirutsü.
NIA-i iba tatalokba atema bushisüngdang aodang lendong atalokba tesem nungi aser technical o forensic kulitem aika ngutet aser item ajaki parnoki Special Court dangi benogo.