AP nung truck kati nisung 20 tsükset

Yerbedu (Andhra Pradesh), April 21 (Agencies): Hokolbarnü Andhra Pradesh, Chittor district kübok Yerpedu yim nung truck anir kati pa indang gariji mazüokteti gari ka aser light indong ka dak tsükoktsü, iba sülen dokan aika tsüksatsü, aser iba lendong nung nisung 20 tsükset aser nisung 10 yiruogo.
Hospital osang ka ajanga ashiba agi, ano nisung asütsüa akok, kechiyong aika kanga mejungi yirua lir.
Police-i ashiba agi, tasümangtem aser yirua alir ajakji Chittor district kübok Tirupati aser Srikalahasti na nung aliba sorkar aser nija hospital temi bener/anir ao.
Iba osang angashia state cabinet aser Chief minister-i minister ana- P Narayana aser N Amarnath Reddy na dang cabinet senden toktsür lendong atalokba tesem jagi aotsü tuyua liasü.