AP nung ULFA pur ana apu

Itanagar, November 04 (Agencies) : Police aser Security force na lokteper Arunachal Pradesh kübok Changlang district nung mita aoba mapang ,United Liberation Front of Asom (Independent) telungpur ana apu.
Assam police aser Assam Rifles, Jairampur Battalion na senteper Mongulbarnü Dao Division inyakyim kübok Assam aser Arunachal Pradesh arrtsülen aliba Jairampur tesem nungi ULFA züngsem ana ya apu, ta Hokolbarnü Assam Rifles sangdong ka ajanga metetdaktsü.
Tang pua aliba nisung anaji Sarat Mohan aser Chiteshwar Chetia na lir ta jangjaogo aser tenati parnok ULFA (I ) telungpur Arun Dahotia-i tuyuba ama tashiyim agi sen sarua züngsem tasen anioktsü merangba den iba tesem nung aliba shishilembar ka sen akhangtsü atema aputsü sentong liasü, ta asüngdangya mapang nangzükogo.
Tenati Assam kübok aliba Duliajan yimtsüng nungia Monto Sonowal-i tema nungi telungpur atema inyaker ta ashiba sülen Phulbari tesem nung pa-a apu. Parnok ket nungi revolver injang dener ka den sen 8,000 nguteta lir aser parnokji police nem agütsüogo, ta sangdong ajangasa ashi.