AP nunger asangur ka mozü agi mesepdaktsür Guwahati-i pur ao

Itanagar, May 5 (Agencies) : Itanagar, Arunachal Pradesh nung tetsübutsü tatalokba ka nung arishi küm 25 tain, asangur ka tenüng agi, Johny Panyang nem auto anishir kati temesepba mozü chitaktsür Guwahati-i pur ao.
Johny Panyang-i iba auto ya yimti nung aliba hotel kati anir aotsü atema hire asüba liasü. Lenmang tom nung driver sang jagi ano nisung ana aniketsemba tashi dang metetba sürbo iba sülenji kechisa atalok’ar John-i memetet aser mebilemteter.
Pa Brahmaputra ghat nung sak aser indangjiang pa indang senpong, mobile phone aser yangkhu maliba meteta aru.
Iba sülen John police station-i ao aser yang nungjagi pa mozükidangi anir oa temang tendangdaktsü.
Iba tetendangba nung pa indang azü nung memetetba miim mozü kar dena aliba putet.
Tang tashi nung FIR ka benokba dak alaka, par kinungertemi ano case file masü.