Apao Camp-i Baba Kholi Konyak pusema nungiter

Dimapur, March 14 (TYO): Apao Camp ya Baba Kholi Konyak indang aser iba Camp-i Baba Kholi den noktaker, ta Camp Commander, Apao designated Camp, Brig. Shahwa Konyak-i sangdong ka nung metetdaktsü.
Iba telemtetba ya Kilonser Chuba Khamsik aser Kilonser Shongyoung nati anir Phom Region ketdangsertem, Konyak Region nungi, Kilonser Moahba, Kilonser Angba, Kilonser Athrom aser Kilonser Pangloi nunger den tongti ketdangsertem aser Maj.Gen. Kossam aser Designated Camp Commander Brig. Shahwa nungeri anir Naga Army ketdangsertemi agi, ta sangdong nung shia lir.
Baba Kholi-i Naga nunger kanga meimer aser iba jagi pai Indo-Naga olemtep pusema nungita GPRN/NSCN (U) tir menden toktsür Isak Swu aser Th. Muivah na den longjemtsü telemtetba agi, ta sangdong nungsa metetdaktsü.
Khen bilemtsübo Baba Kholi-i pa indang maitsü ashioktsür ama angatettsü akok saka Baba Kholi ama chichiba lennir kati Naga nunger tsüngdang ajemalua mekümra aser telemtetba ka atema tayongzükba magütsüra Naga nunger melongjemtetsü, ta Brig. Shahwa-i sangdong nung shia lir.
Kija ajangzüktsü aser kija tebilembatem tongtettsü atema ni tematiba ta tenüng agitepba ajanga Naga nunger melongjemtettsü. Onoki Baba Kholi pusema nungiter aser pa atema alitsü aser asütsü. Naga linük asoshi Baba Kholi-i telemtetba tajung agi ta Naga nungertemi agizüktsü imlar, ta paisa sangdong nung ashi.