APJ Abdul Kalam (15/10/1931 – 27/07/2015)

~ A.Maong Aier Retd. G/T., Alongmen ward, Mkg.

Oh! Shijashir ABJ Abdul Kalam
Ne tashi temetet alimai mamateter,
Na taküm alidang ne mapa tajungtem,
Alima rangbeni penzüa shisadanga liasü,
Na asü nüang tesüngmangtsü tushiogo,
Tang tashi nübortemi na mamateter.

Na atura mapang Muslim kin
nungi süaka, ne medemer Hindu nunger
Asem ta angashia, iba jagi nai teti
Tamangba yimsü nung telongjem aser
temeim sayuba nübortemi angazük,
aser yimsü balala amanger ajaki na mamateter.

Nai university 40 tashi nung Doctorate anguba
Anüng ita penzür space scientists
Tebuti ka ama nokdaktetba, aser
“”Man of the Missile” ta “Missile Man” ta,
Nübortemi ne nem tenüngsang agütsüba
item ajak nai alangzükba konang.

India tir inyaker rongnung nübortemi na
Kangasa saklokba ajanga “People’s President” jatsü,
Nagaland nunga 2015 küm nungibo ne tenüng
nung IGNITA nüngja melentsü lirji,
Tamil Nadu Sorkaria Space Research Organization
Ne tenüng nung takokertem nem senpet agütsütsü lirji.

United Nations-i October 15, 1931 na asoba anogoji,
Students’ Day nüngja jatsütsü renema lir,
Nai 2005 küm Switzerland semdangba nüngdem nung
26 May-ji “Science Day” ajatsü lemteta lir,
Ano assam nunga shishilembadak ka lapoktsü lirji,
item nüngo den nai inyakba aser ne sempet mezüngmar.

Na asoajen tenemnem süaka,
Politics nung mongin aser Sangmongpi
takotet nübo tajung ka asü nung,
Alima nübor ajaki na akhüm keta reprang,
Asoajen tajung aser topur ajung agidangbo
Alimaji matsüshiteter ta lanurtemi angazükogo.

Oh! Sojasor Kalam, ne lanuwa taküm shisadangra,
nebua rong anir taküm ka dang liasü,
ner kibong mesütsü aser shisaliok wadang
bushitsü aoshi osang kaket lema senzüba ajanga
na aser ner kibong yangertetba ngua,
lanurtem temolung adangtsü tansütsü sayuogo.

Na asüba anogo 27th July 2015 bilemteta küm shia
Tamil Nadu aser Meghalaya state nung
National Holiday amongtsü Government-i sangdongogo.
Item ajakji nai alangzükba temaitsü sayur,
Indiaji temeteter lima ka kümnüdang nai lanurtem
ajungmesoba India nungertemi mamateter.
Oh! APJ Abdul Kalam.