APO-i tanü Sekrenyi benjung ayonga amunger

Dimapur, February 24 (TYO) : Angami Public Organisation (APO)-i February 25, 2017 nü Kisama nung Angami nunger benjung tongtiba Sekrenyi Festival ayongzüka amungtsü.
Iba benjung ya anepdang 11:00 ako nungi tenzüktsü aser Nagaland chief minister, Dr. Shürhozelie Liezietsu-i tetushi süa jaoker ama shilem agitsü.
Sentong nung mendenji Angami Youth Organisation President, Neinguvotuo Krose asütsü, Parish Priest SFS, Kohima, Rev. Fr. Alex Vizo-i temoatsü meshia sarasademtsü aser APO President, Dr. Vilhousa Seleyi-i Sekrenyi salem osang metetdaktsütsü.
Sentong nungsa Chief Minister-i o jembitsü aser Angamimiapfü Mechü Krotho (AMK) President, Ruokuoheü Miachie-o-i anküp tepela o jembitsü.