APO o NPGs nati sendaktepshiba atema pelar: KCCI

Dimapur, January 14 (TYO): Angami Public Organisation (APO) aser Naga Political Groups (NPGs) nati Kohima kübok APO Hall tan January ita 11 nü ajurutepa tesendaktep tajung alitsü mera tajung agiba atema pelaba olen ka Kohima Chamber of Commerce & Industry (KCCI) nung Information & Publicity Secretary, Kairhü Chüshüte-i tanü sangdong ka ajanga metetdaktsüogo.

“KCCI-i kasa senden nung agiba telemtetba 4 prongla agizüka nungiter,” ta shia, ajak rong nung yimji yimjung alitsü imlaba olen ka pai metetdaktsü.

KCCI-i tarutsü mapang nunga amalitepa yariteptsü lemtetba olen ka Chüshüte-isa metetdaktsüogo.