‘Apocalypse Now’ editor Richard Marks süogo

Aenjeti/January 05 (Agencies): Oscar atema nominee rongnung shimsang film editor Richard Marks alima nungi pilaogo. Pa arishi küm 75 tain liasü.
Nüngtugu film – ‘Apocalypse Now’, best picture atema award anguba film ‘Terms of Endearment ‘, ‘Broadcast News’ aser ‘As Good as It Gets’ tem nung pai editor shilem agiba ajaki jangjaa lir.
Meimlai ka Marks ya Luchii/December 31 nü asü, ta pa kinungtsü Barbara Marks-i osang metetdakja liasü.
Marks-i edit asüba film tem rongnung ‘The Godfather: Part II’, ‘You’ve Got Mail’, ‘Julie & Julia’, ‘Serpico’, ‘Dick Tracy’, ‘Riding in Cars With Boys’, ‘Bang the Drum Slowly’, ‘St. Elmo’s Fire’, ‘Pretty in Pink’ aser ‘Father of the Bride’ densema lir.
Editor maparen dak alia, Marks-isa ‘Jumpin’ Jack Flash’, ‘What Planet Are You From?’ aser ‘Pennies From Heaven’ film tem produce süa liasü.
Marks ya 1943 küm aso aser 1967 küm pai Barbara den kibong aküm. 1969 küm Francis Ford Coppola indang ‘Rain People’ film atema Marks ya assistant editor mendeni ajungket. 1970 küm ‘Alice’s Restaurant’ aser ‘Little Big Man’ film atema Dede Allen den longjema inyak. Iba sülen, ‘Serpico’ film nunga pa Dede den co-editor ama inyaka liasü.
2013 küm American Cinema Editors sentong nung Marks-i ‘career achievement award’ agizüka liasü.
‘Apocalypse Now’ film atema Walter Murch, Gerald B. Greenberg aser Lisa Fruchtman nunger den külemi Marks ya Oscar award asoshi nominate süa liasü. ‘Apocalypse Now’ ya ‘Vietnam War’ otsü nung ajemdaker yangluba lir kong Francis Ford Coppola-i direct süogo. Coppola-i film indang ‘footage’ ya süklep million 1.5 shii tangoka liasü, ta osangtem ajanga metetdaktsü.
Marks maparen nung takok nguyonga aoba ajanga pa nem James Brooks indang feature film trok – ‘Terms of Endearment’, ‘Broadcast News’, ‘As Good as It Gets’, ‘I’ll Do Anything’, ‘Spanglish’ aser ‘How Do You Know’ nung editor shilem agitsü maongka agütsü.
UCLA nung Marks-i küm 10 dak tem film editing tsütsü tesayuba agütsüogo. Marks aser pa kinungtsü Barbara na den jala ka tenüng agi Leslie lir.