Apple ajanga temang nung tajangzük

Nisung ajaki apple kanga sapua achir. Iba süngjang achitsü tajung dang masü saka temang nunga teyari kanga agütsür, anungji nisung ka anogoshia achiba ‘diet’ nung iba süngjang densema achitsü junger. Iba süngjang ya mongpu ajak nung mela-mela angur.
Apple ajanga tajangzük agütsüba kar:
* Soluble fiber agütsür, koba ajanga tar timtem nung yarir aser insulin level azüoker. Soluble fibre ya tar nung aliba temo den meyokteper, koba ajanga cholesterol level ajema kümdakatsür aser temang anema lidaktsür.
* Iba süngjang teti achirtem dak type 2 diabetes adoktsü kanga ajema lir, kechiyong iba chiyungtsü nung soluble fibre lir. Anogo shia apple ka achir tetsürtem type 2 diabetes adoktsü aliba nungi shilem 28 ajema akümtsü.
* Iba süngjang nung B-complex vitamin- riboflavin, thiamin aser vitamin B-6 lir, koba ajanga red blood cells aser nervous system azüoka ayur.
* Apple nung aliba Phytonutrients ajanga free radicals nungi temang kümzüka ayur.
* Study tasen ka ajanga ashiba agi, apple tzü (juice) ajemba ajanga Alzheimer tashidak nungi jenbua alitsü aser tekolok tain akümba nokdangtsü.
* Cancer ( tapu ajak) adoktsü aliba nungi shilem ajema akumtsü.
– Source : Internet