Apple anü tettsü India nunga sayaogo

November 07, 2015: Apple company-i India nung parnok meyong ‘Apple Watch’tanü, Honibar nü sayaogo. Iba anü tetsü ya tapu asem lir— Apple Watch Sport, Apple Watch aser Apple Watch Edition, koba 38 mm aser 42 mm nung angutsü. Item anütetsütem ya Gold, Rose Gold, Space Gray, Silver Anodized Aluminium, polished Silver mesüra Space Black stainless steel, 18-Carat Rose Gold aser Yellow Gold sentsütem nungsa angutsü.
Silver Aluminium Case aser White Sport Band na 38mm jenjangji sen 30,900 aser 42mm ji sen 34,900. Stainless Steel Case, White Sport Band 38mm aser 42mm tem ya sen 48,900 aser sen 52,900 agi angutsü.
Item watch ya sen 95,900 tashi tua lir.
Iba den külemi ano 18-Carat Rose gold agi yangluba anütettsü 38mm tarensentemji sen lakh 8.2 nungi tenzüker aser 42mm tarensenji sen 9,90,000 nungi tenzüker. Iba tarensen nung sen jenjang tashaktibaji sen lakh 14.2 lir.
Apple anü tettsü tem ya tanga linük tem nungbo ita trok tejaklen saya liasü.
October 5, 2011 nü Steve Jobs sür Tim Cook pa nemdeni atuba sülen tan mezüngsüa iba oset sayarba lir. Iba den külemi Apple iPad 2010 küm sayaba sülen tan mezüng iba anü tettsü sayar asütsü.
Apple anü tettsütem ya noksa tapu aika nung angutsü aser mapang agütsüba dang masü saka tapu aika nung yaritsü. Item anü tettsü yagi tsüngsang mopung aser nai metetnüba osang ajak agütsüba den nai anganüba ken angatettsü.
Ano temang anema aliyim asoshi ‘Activity app’ enokja lir aser iba jagi na anogo shia inyaksangshiba tuteta sayutsü. Iba app ajanga nü mang nung temo arungba, na koma kara inyaker, mapa inyakdang na koiben nokdaker aser anisüngzüker itemji sayutsü.
Ano ‘Workout app’ ajanga exercise agiba mapang na jajaba, asemzüba aser cycle anishiba indang osang tejangja agütsütsü.
Item anü tettsü ya iOS 8.2 mesüra iba sülen adokba OS keta aliba iPhone 5, iPhone 5c, iPhone 5s, iPhone 6, iPhone 6 Plus, iPhone 6s aser iPhone 6s Plus ajanga amshitettsü.