Apple-i India nung MacBook taputiba tasen ka sayaogo

April 20, 2016: Apple-i parnok indang inch 12 tasazük MacBook laptop tasen sayaogo, kong processors tekaratiba, Retina display, USB-C port aser Force Touch trackpad tem keta lir.

MacBook tasenba ya mm 13.1 tapu lir, touzük gram 900 aser battery khen charge asüba agi ghonda 10 tashi amshitettsüsa enoka lir.

MacBook ya aluminum agi yangluba sentsü pezü- gold, silver, space gray aser tang mezüng rose gold sentsütem nung angutsü.

“Onoki yangluba rongnung MacBook ya taputiba aser tepungbatiba Mac lir aser notebook atema ibaji onok mangdang lir,” ta Apple senior vice president, Philip Schiller-i ashi.

Paisa, “Tang tasen adokba MacBook ya talirtemi saputsü, kong processors tasentiba, graphics tekaratiba, flash storage tekaratiba, battery talangtiba den rose gold sentsü densema lir,” ta ashi.

Tang tasenba MacBook nung sixth-generation dual-core Intel Core M processors 1.3 GHz tashi lir, Turbo Boost speeds 3.1 GHz tashi lir aser 1866 MHz memory lir. Intel HD Graphics 515 tasenba ajanga graphice shilem 25 agi tekaratiba, flash storage tekaratiba lir.

Connectivity atema MacBook nung 802.11ac Wi-Fi aser Bluetooth 4.0 enoka lir.

Apple-isa 13-inch MacBook Air configuration ajak nung memory 8GB enoka lir.