Apple Watch Series 3 India nung mekaa ayu tenzükogo

Rongchii (May) 4, 2018 (Agencies): Reliance Jio aser Airtel den longjemer Apple indang LTE-enabled Watch Series 3 tasenba India nung taruba ita nungi ayok tenzüktsü. Iba watch ya taoba küm Rongjui (Sept) nung sayaa liasü saka India nung telecom provider shinga nungi teyari manguba ajanga India nung shishilembadak metongteti liasü. Iba watch sayaba mapang nung Apple puri iba watch ya “the world’s number one watch” ta shia liasü. Iba watch ajanga tamshirtemnem ken atemtsüba, message agizüktsüba aser phone den mesendaktepi call dena asütsü asoshi maongka agütsür. Tanü asüng anguba fitness tracker tem nung aliba standard features tem den külemi Apple Watch Series 3 nung health features tasen aser tzü telung nung meter 50 tashi ia amshitettsüsa iba watch ya yanglua lir. Iba watch ya jelia mekaa ayu tenzükogo aser Monupii (May) 11, 2018 nungi angutsü.
Apple watch tasenba nung feature tajungtiba rongnungi kaji Heart Rate app ya asütsü. Apple puri ashiba agi, iba ajanga nisung ka anisüngzükba mapang, mapa inyakdang, jajadang, recovery aser tango sashiba asadangba osang tejangjaba agütsür. Maneni tzü telung nung meter 50 tashi ia amshitetba ajanga tzü awartemia iba watch ya amshitettsü. Iba den bendenloksema GymKit app keta aliba ajanga gym-i aoertem nem parnok inyakyim asadangtsü asoshi maongka agütsür.
Kasa mapang nung Apple puri Apple Watch Nike+ Series 3 atema Nike den longjemogo. Iba watch nung Nike Run Club app dena keta aliba angutsü aser iba ajanga asemertem nem Audio Guided Runs aser Nike team coach tem, athletes aser entertainers tem nungi dena tips angur.
Apple Watch Series 3 Cellular jenjangtem yamai alitsü:
Apple Watch Series 3 Cellular 38mm: Rs 39,080
Apple Watch Series 3 Cellular 38mm Silver Aluminium Case: Rs 39,120
Apple Watch Series 3 Cellular 38mm Seashell Short Loop: Rs 39,120
Apple Watch Series 3 Cellular 42mm: Rs 41,120
Apple Watch Series 3 Cellular 42mm Silver Aluminium Case: Rs 41,160
Apple Watch Series 3 Cellular 42mm Seashell Short Loop: Rs 41,160