April 1 nungi Dimapur nung dokan lapoktsü tetuyuba

Dimapur, March 30 (TYO): Dimapur jila nung wholesaler ajaki April 1, 2020 nungi anepdang 5:00 ako nungi anepdang 8:00 ako tashi dang lapoktsü tetuyuba agütsür, ta Dimapur Deputy Commissioner Anoop Khinchi, IAS-i tanü ashi.
Paisa, Dimapur nung essential commodities ayokba dokan ajak April 1, 2020 nungi anepdang 9:00 ako nungi nikongtsütsü 2:00 ako tashi dang lapoktsü metetdaktsü.
Ajisüaka, mozü ayokba dokantembo anepdang 9:00 ako nungi akhi lapokba mapang tashi lapoktsü melar, ta Anoop Khinchi-isa ashi.