April 1 nungi Plastic Bottle nung aliba yi nokdangtsü

Mumbai, Feb. 2 (Agencies) : Maharastra state kübok Plastic bottles nung aliba yi ajak April 1, 2016 nungi mayoktsü, kechiba süra iba yagi temang nung timtem aludaktsür ta shia state sorkari Bombay High Court dang metetdaktsüogo.
January 11, 2016 nung state sorkar pangzüng süa Justice V M Kanade lenisüba kübok iba pangzüng ya renem.
Public interest litigation temi ashiba agi plastic nung aliba yiji memeteti tanga oset den meyokteptsü melamelar aser iba jagi cancer tashidak adokdaktsür ta metetdaktsüogo.
State sorkari January 11 nüjisa April 1 nungibo Indian Made Foreign Liquor (IMFL) ajak nung Glass bottle dang amshitsü aser polyethylene terephthalate (PET) ajanga yangluba bottle tem ajak meshishia mamshitsü renemba metetdaktsüogo.