April 13 nungi sorkar office tem lapoktsü

Dimapur, April 11 (TYO): April 13, 2020 nungi Nagaland sorkar indang office tem lapoktsü, ta tanü Nagaland Chief Secretary-i metetdaktsüogo.
Kohima aser Dimapur nung Nagaland Civil Secretariat aser Directorate tem aser District ajak nung sorkar office tem lapoktsü saka mapa inyaker kar dang office-i aotsü, ta paisa ashi.
Iba dak sendakba nung Chief Secretary-i AHoD, HoD aser Heads of Office ajak dang pei pei staff tem mapai arutsü atema inyakyim latettsü atema tetuyuba agütsüogo.
Mapai arutsü inyakyim latetba nung office-i marurtema mapang ajak nung telephone aser electronic yimya ajanga tongtepa alitsü, ta paisa ashi.
Sorkar office ajak nung nisung o nisung pilaa alitsü aser health safety maparen inyaktsüla, ta Chief Secretary-isa metetdaktsü.