April 14 nü BMW Motorrad-i India nung motorcycle sayatsü

New Delhi, March 31 (Agencies): Alima nung motorcycle tesüngmangtsü keta yangluteter indang asadangra, BMW Motorrad ya ka lir. Iba company ajanga S 1000 RR amala motorbike tajung aika yangluteta lir aser iba company ya April 14 nung India-i aittsü renema lir.
BMW Motorrad ya Germany nung gari tajung yangluba company ka lir aser iba company ajanga taküm küm yanglushiba S 1000 aser R 1200 GS series ya India-i bener arutsü sentong yanglua lir.
2017 küm yangluba S 1000 RR bike ya sentsü balaka nung angur aser iba bike ajanga gari tetsüng aser ali tetsüngda nung tensa mapang balala nung azüoka yuteter aser ABS Pro nunga angur. S 1000 R aser XR bike tem nung horsepower 165 tali keta lir.
BMW Motorrad ajanga G 310R model indang bike yangluba mapang ka lir saka iba bike ya kodang sayatsüar company ajanga osang kicha agüja mali.