April 2, 2017 nü Polio Drops agütsütsü

Dimapur, March 31 (TYO): 2011 küm January ita nungi India linük ya wild polio cases nungi jenbua kümogo, aser India-i polio anema junga inyaktetba ajanga 2014 March nung WHO-i India densema south east region nem certificate agutsüogo, ajisüaka alima rangben polio nungi mekümzük tashi India maneni high risk nung lir, ta Principal Director Directorate of Health & Family Welfare Nagaland: Kohima, Dr.L.Watikala-i sangdong ka ajanga ashi.
India Expert Advisory Group (IEAG) on Polio-i benokba nung ajemdaker tOPV amshia NlDs jagi arishi küm 0-5 tsüngdapur tanur ajak ayimjemtsüla.
India nung tanga state tem den külemi Nagaland nunga Deobarnü, April 2, 2017 nü 2nd Round of lntensive Pulse Polio akatsü, aser iba atema Health & Family Welfare Department-i tanur 2,29,587 nem polio drops agutsütsü renemogo; state nung Polio Booths 2296 nung health personnel 9184 aser supervisors 459-i ketdangsüa agutsütsü.
Taoba mapangtem nung amalitepa yaritepba atema ajak dang pelar aser maneni department-i nüburtem, Agencies, lokti tentettem, Arogotem, lokti lenirtem aser arishi küm 5 tekübokpur tsüraburtem dang April 2 nü tanurtem nem “Two Drops of Life” (Polio Drops) agutsüba nung shilem agitsü mepishia metetdaktsür, ta sangdong nungsa shia lir.