Angh Acharya-i Easter salem abener

Kohima, Rongchii/April 18 (TYO): Nagaland Angh, PB Acharya-i Nagaland nung aliba nüburtem den Easter salem lemsateper, ta tanü PRO sangdong ka nung metetdaktsü.
Easter salem lemsatepa Angh Acharya-i state nung aliba nüburtem dang Easter tetezü mamadoktsü aser temeim ajanga tenla tulu agütsüba bilemtettsü ayongzük.
“Khrista tasü nungi shia aruba ajanga, ochi ajanga temenen madak takok angur aser tesempa dang nungibo temeim tuluba ta temaitsü sayur. Ajaki yimjung, tesünep aser adianu temeimtep alitsü atema inyaktsüla,” ta Angh-isa ayongzük.
Acharya-i, Easter ajanga ajak nem teimla aser taneptsü, tekümtet aser tatem maka tepela agütsütsü imlar, ta lemsatep.