April 5 tashi Dimapur district tesashiba alenbanger

Dimapur, April 02 (TYO): Disaster Management Act, 2005 kübok Arrla 30(1) (2) nung aliba tashi amshia Dimapur nung April 1 anepdang 6:00 ako nungi April 3 ayaterm 12:00 ako tashi dokan, shishilembaba tesem aser nija establishments ajak shibangtsü atema March 31, 2020 nü sangdonga liasü; ajidoa COVID-19 prokba nokdangtsü atema maneni kasa tetuyuba ya atsülanga April 3 ayaterm nungi April 5 ayaterm tashi dokan, shishilembaba tesem aser nija establishments ajak shibangtsü tuyur, ta Brihostibarnü Dimapur DC, Anoop Khinchi, IAS-i sangdong ka ajanga metetdaktsüogo.

Iba tetuyuba ya Dimapur District tesem ajak nung benshitsü. Ajisüaka iba tenokdangba kübok Police/Army/Para-military forces/Magistrate on duty/nija hospitals aser clinics densema Doctors & Medical staffs, Medicines Whole sellers & Retail Pharmacies, Bank Staff aser emergency services dak sendakba nisungtembo madener ta sangdong nung shia lir.

Iba tenokdangba mapang nung nisung kari dang aibelenra Disaster Management Act, 2005 kübok Arrla 51 nungi 60 aser IPC Arrla 188 kübok temerenshi agütsütsü.

Rongdak nüngdak atema public-i teküboklen aliba contact nung tongteprateptsü akok:

1. Ambulance aser mozü atema – 8787551751
2. DC Office control room – 6009924366
3. Police control room – 7085055050
4. Medical control room – 7630877991 / 7630877983