April 9 nungi Tuensang nung Army recruitment rally akatsü

Kohima, Tsüklai 03 (TYO): Rongchii (April) 09 nungi tenzüka 15 anogo tashi New DC Football Ground, Tuensang nung Army Recruitment Rally akatsü, aser ibaji Nagaland nungi lanurtem atema dang asütsü, ta tanü Army sangdong ka ajanga metetdaktsü.
Online application ji Tsüklai (Feb) 08 nungi Metsüremi (March) 24 tashi lapoktsütsü aser online registration ji www.joinindianarmy.nic.in ajanga agitettsü.
Tamalen rally balala nung register süa alirtemi indangindanga login sütettsü aser eligibility repranger tasen apply süshitsü akok.
Item mapa tazüngji Soldier GD (class 10 mesüra 12 std), Soldier Technical (12th std den Physics, Chemistry, Maths aser English), Soldier NA (12th std den Physics, Chemistry, Biology aser English), Sol Clerk/Store Keeper Technical / Inventory Management (12th std den English aser Maths /Book Keeping/Accounts ji compulsory subject asütsüla 10th mesüra 12th azüngdang) aser Soldier Tradesmen mapa atema (class 8 aser 10 std simple pass).
CEE ji Monupii (May) 27 nü Rangapahar nung agitsü.
Metetpelanüba lira phone No 03862-248845 aser 8974958673 ajanga mapa inyakba anogotem nung anepdang 8:30 ako nungi nikongdang 2:00 ako tsüngda tongteprateptsü akok, aser registration agitsü asoshi tatembangbuba anogoji Metsüremi (March) 24, 2018 anogo asutsü.