AP:Sen magizüktetba jashi marem nung police kati ATM ana raksatsü

Visakhapatnam, November 19 (Agencies) : Andra Pradesh nung ATM nungi sen magizüktetba jashi marem nung police constable kati ATM ana tashi raksatsü.
Iba tatalokba ya Visakhapatnam district kübok Paderu nung Hokolbar aonung atalok. Police constable sangji State Bank of India indang ATM ka nung sen agizüktsü line nung talangka nokdakba sülen pa agizüktsü mapang ATM tem nungji sen agizükmar pabo magizüktetba agi tejashi marem ATM temji taksatsü.
Pa kanga jashia ATM nungji aiben metsüoktsür ao. Ajisüaka ano tejashi manenba agi tanaben meyipa arur yangji aliba tanabuba ATM jia raksatsü.
Ibaji atalokba sülen bank ketdangsertemi ATM ji shibanga ayu aser CCTV nung tangoka aliba video ji police nem agütsüogo.