Apuani-i ashioktsüba metettsü atema ‘Smarttress’ adokogo

New Delhi, April 20 (Agencies): Nü apuani-i na ashioktsür asü mashioktsür’ar ibaji metettsü atema smart mattress ka yanglutetogo.

High-tech mattress ‘Smarttress’ nung ya ultrasonic sensors 24 lir, aser ibaji ajanga na aieni aodang mesüra kidang malidang kidang nisung kwi-i iba mattress amshi’ar jangjatsü, ta Daily Mail osang ajanga ashi.

Spain nung mattress company, Durmet-i yanglutetba ‘Smarttess’ mattress nung aliba spring nung sensor 24 lir aser iba jagi ‘Lover Detection System’ ama mapa inyaker. Kinungbu-kinungtsüi tangar nisung ka den yangji mejangra iba mattress ajanga nü smartphone dangi alert ka yoktsü. Koba tetezü pa/lai na ashioktsür asütsüa akok.

Iba ‘Smarttress’ warranty küm 5 lir aser iba jenjangji US sen 2,000 dak tema lir