Apurvi Chandela-i silver agizük

Munich, September 05 (Agencies): India tsür Apurvi Chandela-i ISSF Rifle & Pistol World Cup Finals tetsür 10m air rifle shilem nung silver medal agizükogo.
Arishi küm 22 tain Apurvi-i points 206.9 ngua kanga junga shilem agi saka lai points 0.6 agi Iran tsür Ahmadi Elaheh den points tajemba anguba yong gold medal agizüktsü maongkabo mongutet.
Kasa shilem nung Serbia tsür Andrea Arsovic-i tasembuba jenjang ngua bronze medal agizüka liasü.
Commonwealth Games gold agizükla, Apurvi-i taküm April ita Korea kübok Changwon nung ayongba ISSF World Cup (Rifle/Pistol) asayamong tetsür 10m air rifle shilem nung bronze agizükba sülen 2016 Rio Olympics nung shilem agitsü jenjang ngua lir.