AR-i Changlang nung NSCN (KK) telungpur ka apu

Kohima, Monupii/May 15, 2020 (TYO): Mongolbarnü, Changlang District, Arunachal Pradesh kübok SankhaHavi anasa Assam Rifles den Arunachal Police longjemer NSCN(KK) indang telungpur ka apu, ta PRO (Defence) sangdong ka ajanga Lt Col Sumit K Sharma-i metetdaktsü.
SankhaHavi tesem anasa telungpur jenoka aliba osang tejangja ka angazükba nung ajemdaker, Asam Rifles aser Police teloki iba tesem mita ao aser iba mapang parnoki telungpur ka ya pua liasü.
Pua alisang ya NSCM (KK) indang Corporal TonlangPangtha ta jangjaogo. Kasa mapang pa ket nungi 9mm Pistol den magazine, injang tuku aser mobile phone ka ngutet.
Iba maparen dak sendakba nung maneni bushisüngdangtsü atema pua alisang aser pa ket nungi ngutetba pistol, injang aser mobile tem Changlang Police Station nung agütsüogo, ta kasa sangdong ajanga metetdaktsü.