AR-i Changtongya aser Zunheboto nung telungpurtem apu

Dimapur, June 15 (TYO) : 44 Assam Rifles-i June 3, 2016 nü Changtongya jila nung police den yaritepa telungpurtem mita aodang NSCN(KN) züngsem ka apu.
Iba nisungji Likok Ao’er jabaso Sergeant Talia Ao ta jangjaogo aser pa ket nungi 9 mm Pistol ka, magazine pistol ana, 7.65 injang aser 7.62 AK injangtem bena lia apu. Pa den külemi apuba ajakji Changtongya Police station ket nung agütsüogo, ta Assam Rifles sangdong ka nung metetdaktsü.
Ano, May 31, 2016 nü Changtongya Police station jila nung 5 Assam Rifles-i NSCN(KN) atema political organizer ka apu.
Iba nisungji tashiyim agi sen saruba mapa inyaka liasü aser pa ket nung extortion slips 25 den sen bena lia apu. Paji Political Organizer Hokangha Yeptha ta jangjaogo aser pa Zunheboto Police Station ket nung agütsüogo, ta AR sangdong nungsa shia lir.