AR-i Chingnyu nung community hall ka yanglutsü

Dimapur, Chiteni/July 11, 2020 (TYO): Lokti senden ayongzüktsü atema kisü jensü nüngdakba ajitetta aser HQ IGAR (North) kübok Shamatore Battalion indang Assam Rifles-i Chingnyu yimtsüng nung Community Hall ka yanglutsüogo aser AR-i iba community hall ya yimtsüng nung yimsüsertem nem bendanga agütsü.
Chingnyu yimtsüng ya anüdoklen Mon district nung aliba tesem ka lir, koba Myanmar linük den arrtsü lir aser iba yimtsüng nung kiojen tajung mali.
Assam Rifles-i iba ama mapa tajung ajiteta inyakba atema yimertemi pelashishia agizük aser iba community hall yanglutsüba asoshi parnoki AR danga pelaba metetdaktsüogo.