AR-i Darogapathar nung prangpong shibelener ka apu

Dimapur, June 23 (TYO): Prangpong shibelena ayokba osang ka angazükba sülen HQ IGAR (North) kübok 32 Assam Rifles sepaitem den police züngsemtemi June 22, 2017 nü Darogapathar, Dimapur mita ao, ta Assam Rifles sangdong ka nung metetdaktsü.
Mita aoba mapang nung 32 Assam Rifles sepaitemi nisung ka ket nungi Pt 32 mm Pistol ka apu. Iba nisungbaji Darogapathar, Dimapur nung alir arishi küm 30, K Arkha Achumi lir ta jangjaogo, aser pai-a pai prangpong shibelena telungpur telok balala nem agütsüba nangzükogo, ta sangdong nungsa shia alir.
Maneni bushisüngdangtsü atema tang pua alisang den pa ket nungi anguba pistol ji East Police Station, Dimapur ket nung agütsüogo, ta Assam Rifles-isa metetdaktsü.