AR-i Dimapur nung arms ayoker ka apu

Dimapur, March 01 (TYO): Assam Rifles sepaitemi Dimapur nung prangpong ayoker ka den arms aser injang puogo, ta Assam Rifles sangdong ka ajanga metetdaktsü.
Inspector general of Assam Rifles (North) PRO-i sangdong ka ajanga ashiba agi, osang tejangja ka lazükba sülen HQ IGAR (North) kübok 41 Assam Rifles sepaitem den police densema February 26 nü Dimapur nung DC Court, Hill View tesem mita ao.
Iba mapang nung 41 Assam Rifles sepaitemi nisung ka ket nungi Point 22 mm Pistol ka den injang pezü apu.
Tang pua alisangji Kiphire district kübok Kuosam yim nungi lir aser tang Hill View area, Dimapur nung aliba para ki ka nung telidak liasü.
Iba nisungbaji Identity card aser prangpong amshia dokan shishirtem dang rakzükraktemba nung densema lir, aser 2016 küm September ita nung arms shishilembaba atemaa pua liasü.
Maneni bushisüngdangtsü atema nisungba denji pistol aser injangji Diphupar Police Station, Dimapur ket nung agutsüogo, ta kasa sangdong nungsa shia lir.