AR-i Dimapur nung NSCN (KN) pur ka apu

Dimapur, Rongjui/September 24 (TYO): Itengitertem nungi osang tejangja angazükba sülen Assam Rifles puri Diphupar, Dimapur tesem meita aoba mapang September 21, 2019 nü NSCN (KN) züngsem ka apu. Telungpur sang ya Zunheboto kübok Askhumi nung alir arishi küm 48 tain SS Major KhetoiKiba ta jangjaogo. Pa ket nungi point 32 mm Pistol den injang aser tshishitsü aketba kuli kaket kar puogo. Aija alisang den pa ket nungi apuba osettem ajak Diphupar Police Station nung bendanga agütsüogo.