AR-i Dimapur nung sen sarur asem apu

Dimapur, Tsüklai 09 (TYO): GS Road aser Kalibari Dimapur nung sen sarudar ta osang angazükba sülen Tsüklai 8, 2018 nü HQ IGAR (North) kübok Assam Rifles Dimapur Battalion den police densema mita ao; Iba mapang nungji saru sarur nisung asem den parnok ket nungi India sen 5,53,710 den telungpur telok balala indang vehicle tax collection slips densema tashishitsü kaket kar apu, ta AR sangdong ka ajanga metetdaktsü.
Pua aliba nisung asemji KL Shety Market, GS Road, Dimapur nung alir HR Yadav’er jabaso arishi küm 42, Rajendra Prasad Yadav, GS Road, Dimapur nung alir Ratan Lal Jain’er jabaso Suraj Jain (49) aser Kalibari road, Dimapur nung alir Roop Chand Jain’er jabaso Paras Jain (46) nunger lir ta jangjago aser parnok den sen aser kakettemji East Police Station aser Sub Urban Police Station, Dimapur ket nung agutsüogo, ta kasa sangdong ajanga metetdaktsü.