AR-i GPRN lenir apuba aitsür

Dimapur, April 02 (TYO): April 1, 2017 nikongdang 4:00 ako meta 32 Assam Rifles-i Steering Committee züngsem, Zaremo Murry ji Khaplang telok nungi lir ta shia Burma Camp, Dimapur nung aliba par ki mita repranga pa den kinungtsü, Easter Murry aser kidang yariteper, Boihe Konyak nunger apuba atema NSCN/GPRN-i aitsür, ta tanü MIP, Hebron-i sangdong ka ajanga metetdaktsü.
Pa dang pa NSCN (K) nung inyaker ka lir ta kangshia sign südaktsü. Zaremo-i NSCN (Reformation) toktsür 2016 küm NSCN/GPRN nung dena liasü.
“NSCN ajanga Naga nunger aser India tsüngda yimjung ken o jembia aruba ajanga teti atema tatembang yimjung telemtetba ka agitsü ta Naga nungeri imlaba mapang ka nung Indian armed forces/agencies-i ceasefire ground rules aser yimjung ken o alema mapangshia linük tenzükertem mita aoba, apuba aser anema inyakba ya tim masü, aser iba ya ajanga tang aliba yimjung raksatsütsü. Indian armed forces-i tim mesüi inyaka yimjung ken o meraksatsütsüla,” ta sangdong nung shia lir.
“Naga lokti yimjung atema meranga inyaker, Zaremo 32 Assam Rifles-i apuba atema NSCN-i sashia aitsür. Ano kecha kuli makai tai maket tetsür civilian ana apubaji meimchir temeten anema lir aser iba ya loktiliba den mapet. Anungji India sorkari tangsa Armed forces-i timi benshitsü aser tezüngzüktep agia aliba ceasefire ground rules telatetba ama benshitsü atema azüoktsüla, iba den külemi telatetba kecha makai pua aliba senior lenir den pa kinüngtsü aser teyariteper chioktsüla,” ta MIP, Hebron-i kasa sangdong ajangasa metetdaktsü.