AR-i kakteshirtem Indian Army nung adentsü ajungshi

Dimapur, Metsüremi 27, 2018 (TYO) : Metsüremi (March) 27, 2018 nü IGAR (N) kübok Assam Rifles, Dimapur Battalion puri Government College Dimapur nung “How to Join Indian Army” onük nung ajemdaker lecture ka agütsüogo. Iba sentong ya kaketshirtem Army mesüra Assam Rifles nung adentsü atema ajungshitsü nükjidong nung ayongzüka agi.
Kaketshirtem dang itasen aser Medical, Canteen, Pension benefits nunger amala tanga facility tem indang tatsü agi rasaa ashi. Kaketshirtemi kanga temulung agüja parnok indang lecture nung shilem agiogo. Lecture tembangba sülen “Question & Answer” session ka agiba nung kaketshirtemi parnoki mangatetba onüktem asüngdanga jangjashitsüogo.
Iba sentong nung kaketshir parnok 300 den NCC Cadet tem aser college nung Staff aser professors temi shilem agia liasü.