AR-i Khudengthabi nung temsepba mozü apu

Kohima, Aenjeti/January 16 (TYO): January 13 nü Manipur Tengnoupal District kübok Khudengthabi Check Post nung Assam Rifles sepaitemi sen lakh 59 dak tali alang temesepba mozü puogo.
Osang tejangja angazükba sülen checkpost nung duty nung aliba sepaitemi Moreh nung alir Md Wahidur Rahaman-i anir aliba Scooty (register masü) tanak ka sot. Pa den Moreh nung alir Md Mukram aser Wangjing nung alir Md Imtiyas Khan mena liasü.
Parnok mena aliba Scooty kanga junga asadangba sülen international market nung sen lakh 59 alang WIY tablets seret 2.068 ngutet.
Aija alirtem den parnok ket nungi apuba temesepba mozü Moreh Police Station nung bendanga agütsüogo aser maneni ken o bushitsüngdangtsü, ta PRO (Defence) Lt Col Sumit K Sharma-i ashi.