AR-i Longkhim nung NSCN(K) züngsem ka apu

Dimapur, January 23 (TYO) : January 23, 2017 nü Longkhim Town nung 5 & 40 Assam Rifles den Nagaland Police-i NSCN(K) züngsem ka apu.
Republic Day benjumung mapang Tuensang-Mokokchung lenmang nung telungpurtemi Security Force convoy amaktsü atema tasa yanglua lir ta osang kar angazükba sülen sepaitemi mita aodang telungpurji apu, ta Assam Rifles sangdong ka nung metetdaktsü.
NSCN(K) züngsemji Chimonger yimer Lieutenant Yantril Sangtam ta jangjaogo aser pa ket nung IED den detonator, reserve detonator aser .22 pistol ka den rounds 4 bena aliba apu. Pa den külemi apuba ajakji Tuensang Police Station ket nung agütsüogo, ta AR sangdong nungsa shia lir.