AR-i Mizoram kübok Champhai district nung prangpong 8 apu

Kohima, Luroi/August 19 (TYO): Serchhip Battalion, Assam Rifles aser Customs Department senteper Luroi/August 16, 2018 nü mita aoba mapang nung Zokhawthar, Champhai District, Mizoram kübok Indo Myanmar border, north of Friendship Bridge nung foreign made assault rifles 8 apu, ta Col C Konwer, PRO (Defence)-i sangdong ka ajanga metetdaktsü.
Customs Department den tanga intelligence agencies osang nung ajemdaker Assam Rifles Battalion-i ozüng alema shibelenertem aputsü atema Indo-Myanmar Border nung check post aika amenok, ta sangdong nung shia lir.
India tsütsü arrtsülen nungi metre 500 shi nung motorcycle ka nung melung melemtetba nisung ana ajuru aser tenati Myanmar tsütsüleni jena aotsü merang; sepaitemi tena arishidang tenati motorcycle den gunny bag ji toktsür International boundary, Tyao ayong adener Myanmar-i jena ao, ta sangdong nung shia lir.
Gunny bag telung nungji US origin 5.56mm M-16 rifles ana, German origin 7.62mm G-3 rifles ana aser Myanmar origin 5.56mm MA3 assault rifle pezü liasü, ta paisa metetdaktsü.
Indo-Myanmar Border nung Border Guarding Force- Assam Rifles den tanga agencies-i lapoka aliba arrtsü anüker, aser ozüng alema benshirtem nokdangba den Free Move Regime kübok linük ana tesendaktep ajungkettsütsü atema inyaker, ta kasa sangdong ajanga metetdaktsü.