AR-i NNC/FGN (NA) züngsem ka apu

Kohima, Monupii/May 23 (TYO): May 10, 2019 nü Niuland Town, Kohima nung HQ IGAR (N) kübok Assam Rifles Kohima Battalion-i NNC/FGN (NA) züngsem ka den raraba hadir pezü, injang, tapoktsü, radio set aser sen akhangba slips densema tashishitsü osettem apu, ta AR sangdong ka nung metetdaktsü.
Iba nisungbaji Throngtsu Sangtam’er jabaso arishi küm 58, Chokrikyu Sangtam (Seyochung village, District – Kiphire) lir ta jangjaogo. Nagaland kübok Dimapur aser Kohima District na nung sen akhangba densema pai ozüng alema inyakba mapatem nung shilem agia lir. Maneni bushisüngdangtsü atema pa den pa ket nungi apubatemji Niuland Police Station ket nung agutsüogo, ta sangdong nung shia lir.
Tesem nung nüburtem nem security agütsütsü aser tesünep nung alitsü atema Assam Rifles-i meranga inyakba ajanga iba nisung puogo, ta sangdong nung shia lir.