AR-i Noklak aser Kiphire nung sentong ayongzük

Noklak, Metsüremi/March 04, 2021 (TYO): HQ IGAR (North) kübok Kiphire Battalion indang Assam Rifles-i Mongolbarnü (02.03.2021) Noklak District kübok Thongsonyu yimtsüng nung “Skill Development” omen nung ajemdaker lecture sentong ka ayonga agiogo.
Lisopurtem tsüngda teka mapa shia meteta aliba aser pei poksüng atema aazükba den taküm nung pelaa alitsü asoshi mapa meteta aliba tajangzük balala indang nung tesayuba agütsütsü nükjidong yur iba lecture sentong ayongzük.
Iba lecture sentong nung yimer 20 dena liasü.
Nübutem tenük lapokdakja aser tali saksalema lidaktsütsü asoshi iba lecture sentong tajung ayongzüktsüba atema yimertemi Assam Rifles dang pelaba metetdaktsüogo.
Maneni, HQ IGAR (North) kübok Kiphire Battalion indang Assam Rifles-i Akhegwo Govt High School, Kiphire District nung ‘Today’s Youth Tomorrow’s Future omen nung ajemdaker lecture sentong ayongzük.
Iba lecture sentong nung class 8th, 9th aser 10th nung azünger kaketshir 37 denogo. Kaketshirtem ajungmesotsüsa iba lecture sentong ayongzükba atema shilem agir kaketshirtemi Assam Rifles dang pelaba metetdaktsü.